acquacheta

e finì la vèsta
e pu’ e rispìr
a de’ dri’ a un bachèt,
a gàla
l’istèss che un sògn

fe’ a gàra
a cvèl
ch’l'ariva
piò
luntàn…

dòpp a’l fèrie

rumàgna,
ch’l'a-t còrr incòntar da luntàn,
ch’l'a-t mètt un piàtt ‘d caplètt s’la tèvla
e l’a-t dìs
“no stà ande’ piò veja…”

carnevale

ànche l’Itàlia
la và int’i curièndul…

crisi

cun tòtt ste giàz,
l’è sghinlè nèca e’ Gvèran…

tudèi

csa’j fàl incù ins l’òs dla vita,
un srèbb precìs che fòss zà ‘dmàn?

e invezi no, u-s vèd,
u’j sra un cvaicvèl
che fà che incù e sèja incù.

cuntènva pu’
a gvardèm sè e no,
pinsènd ch’a dèga èria a la bòcca,

intànt che mè
a ciàp la rincòrsa
pr’un tòff t’la vita,
intànt ch’u-s tòcca.

incòra nèbia

st’èria biànca, ciòssa,
malèda, stànca,
csa’j'vòl ch’l'a-t tòja sò,
csa’j'vòl ch’l'a-m tòja in zir
e va che a-m’artruv
da un’ètar cànt

e intant i dìs che in sò
la nèbia l’a-s srèda
mo’ va ch’j'è scours
da muntanèr
ch’j scapòza int’i mònt
e nèca lò j-s vòlta a spèra…

nèbia

un pinsìr,
che ciamèl preghè
u-m pe’ cvèsi tròpp:
” Signòr, st’a-m da sintì:
fa acsè ch’a sèma tòtt ugvèl”

pu’ a’ sò de’ fura
chl’a staseva za avnènd zò
la nèbia…

la mascarèda ‘d Frumlè

j’à mascarè e’ prit
da un bòn da gnit,
j’à mèss du’ fiòc
tòrn’a'i sòlit scours,
e vai còl liscio.

mo’ u’j'è sèmpar cvi
ch’i-n sà dlèzzar
tra un wafer e un valzer…

Nadèl /4

i l’à asrè int la stàla,
al bès-ci a fèj la gvèrgia

e intànt lò j’à fàt sò i righèl
e a no j s’à dèt: babbo natale non esiste.

Nadèl /3

…

…

…

[ Nadèl, afògh int'la nèv d'i pinsìr: e a-n so bòn 'd dì gnit]