stamatèna s’èra alè ch’andèva a lavurè – ‘d sòlit a’ sò in ureri, nèc se a’ tèmbar e’ cartlìn sèmpar a j’ultùm sgònd – cvand tòtt t’una vòlta, cvèl dnènz u’s’aferma par fè manòvra int’e’ mèz dla strè.
- Va là, imbezèl! – a’j rùg mè, che dla diplumazèja a no za a basta.
Lò u’m gvèrda, pe’ ch’u'nèpa capì – u’m vèn int’la mènt cvì ch’i’s tò drì e’ matarèl int’e'bavòl, ch’un sa maj, i’ dìs -, mè, ch’a'j’ò frèza, int’e'zarchè ‘d surpasèl a’i'gvèrd la targa: tòtta aranzòna cumpagn ‘na zòcca e u’m pe’ ‘d capì ch’l'e’ un lusèmburghès…
U’m vè ‘d pinsè tènt cvèl, mo’ tènt che acsè ‘d matèna prèst u’j'è da risghè d’ingulfè e’ zarvèll…
Eppure e’ prèm pinsìr e’ va a lò, e’ lusèmburghès, che vut che a’l sèja ròbi fè tànta strè par vnìs a’ imbusanè tla zòna industrièla ‘d Iòmla!!!
splendida!
complimenti