istè, la paja, e chèld
un fil ‘d sgond
tra e’ sol e la timpèsta
e a-n’u-m so mes cvèl in sla testa.
in ca’ l’è frèsch, la tenda grosa,
la porta vècia sempr’averta
e carnàz ch’e’ rugia a arvil,
la cèv sot’una prè o int’un vès
la sfoja ins’è tulir,
me e mi surela,
zughè a tus’in zir,
gvardè mi’ nòna
e l’ov int’la farèna,
cum fal a no de’ fura,
la zèndra de’ camèn,
l’udòr dla mnèstra cruda.
un zir int la cantèna,
e mi’ càn che dòrma ins l’òs,
al prè d’è curidur
cum pe’ acsè long a e’ bur.
una fila ‘d ricurd,
a-n so fe’ a tirèj veja
istèss che pulì e tulìr
cun e’ curtèl la sfòja
ch’la s’è atachèda
e inciòn
inciòn
sa cum u-s fa a aravièla.
