Nadèl /4

i l’à asrè int la stàla,
al bès-ci a fèj la gvèrgia

e intànt lò j’à fàt sò i righèl
e a no j s’à dèt: babbo natale non esiste.

Nadèl /3

…

…

…

[ Nadèl, afògh int'la nèv d'i pinsìr: e a-n so bòn 'd dì gnit]

Nadèl /2

s’avèssum da fe’ come i remàgi
srèbb ora d’avè fàt un po’ piò ‘d strè.

Nadèl /1

tlaragn ins’j'èlbar,
la nèv a stuglè i rèm,
e cvand che vèn la sèra
u-s’èlza un vènt nuiòs
ins’un mèr ‘d lus.

e’ ròss s’e’ giàz
fà un zir ‘d valzer
cun la nòt
e u-s sènt cantè
e’ silènzi ‘d cvi
ch’j è za pasè…
d’acvè, d’adlà.

da sti dè
sòl e’ Nadèl
u-s fèrma
int’e’ càmpsànt

turòni

dòlz cumpàgna tè u’j è sòl l’amòr,
mo’ zira zira,
‘d cvèl a-n’ò incòra truvè la bànca

tèrd

ch’la sèra tèrd
ch’a-s’andèma a ca’
mo’ a fasèsum prèma
un zir int’e’ mèz
dla piàza,
cvèrta ‘d nèv
e inciòn.

a’l màn a fe’ tèrd,
òna in ch’l'ètra.

e incòra a fèz tèrd
a zarchè ‘d capì
cum’èla ch’a sèn
incòra insèn…

òtt dizèmbar

e’ pe’ un cvèl da gnit
l’udor de’ turòni
che svègia nèc i frè,
u-t’inciàca i pinsir,
e pu’ rùg, sèrmon
int’e’ frèdd ‘d dizèmbar

me in zir a vajòna
alè pr’e’ còrs che
u-s màna a fèsta,
bànc da tòtt i chènt
e un fètt ‘d zènt,
gnànc i rigalès
un’ètra vita:

o fòrsi par ch’e’ dè
l’è pròpri acsè.

e’ pulètic

l’era cvèl
che zarchèva
‘d fè l’ecvilibrèsta,
d’armastè int’e’ mèz
come la zòbia,

l’era cvèl
che u’s spinduclèva
a màn drètta
o a màn stànca,
sgònda e’ vènt,
i scours,
e’ tornacont…

[ arvès a'l finèstar,
ch'u-s càmbia l'èria ]

gòtico (sèma andè a avdè i tedèsch)

j’ fa d’a'l stravigliàchi ‘d cis,
che e’ pe’ ch’u'j’èpa da intrè
e’ signòr

èria ‘d Nadèl

a’j'ò vèst i panetòne
a e’ supermàrchet,
e u’n'èra incòra
Feragòst…